Platforma Haqa Demokratiko (PHD); “Bıne sene barr de beme bıveme, Eve fam u cısne ho, lewe homete de vınderime”. Du hetra vake; 1 Gulane de meydano de yeme tê are, vatise ho ki eskera kerde. Site interneta PHD yide ewro -25 Nisane- de, eskera kerdene de niye vake:
Dewleta Tırk, bıngera gıredae emperyalizm-kapitalizmi ke biya nébiya, karker u emeğdaru re ağuye şiya wa. Karker u emegdari çıxaşi ke vésaniye tésaniye u féqiriye ra xeleşiyana ho buwazo, keyke qom u hometé xoseriae ho bıwazo, dewleté badena cerenara cı werté hode tae xısmu oncena hete ho. Devleta Tırk niya her taw omre ho kena derg.
Sermayedari dewleté, çıxaş niya dekbajeni kene bıkere. Karker u destra ke greve u haqa sendika guret, dewuzo ke welu welağe hora cera kerd, cenc u ki werté tari u zılomotiye de verda, téde piya bene jü, wuzme na zulmo zordariye vecine, suku de serxıldaniye péda kene. Cenc u xorti vatena burjuvazi sero né, avéşiyana ho sero, meste-biyorune ho sero fıkırine, bayrağa xoseriya ho berz pé cene, venge ho tenena çip vezene.
Karker u emegdar, dewuz u morava, homete téde piya “Zınchıla kérıne ra qedir thoe ma vind nébeno, dina ra qezence ma esto” na vatene sero gune qese ho ju kere, pérodayise ho piya avé bere.
Hal u waxté ho çutiri beno buvo, démdari gune her taw lewe qom u hometa hode vındero. Meverdo ke burjuvaji fıkre hometé bıçarno xendeké ho. Ma çutir uzme sermayedaru vejime. Dérmar ke gune roz ve roz werte homete de, lewe karker u emegdaride vınet, heke dine de piya bayrağa haq u bara ho pé guret, dinede araqe çare ho ke rısna, o taw qezenci démdari ki, qezenci karkeri ki jedino.
Wastena homete u wastena ma ke ju xapera gıredae nébi, heke na xape ke vişiye vere ho meçarnime homete. Démdar gune her taw lewe hometa hode vındero, fikre karkeri vervezo. Sere na dina de, werte na gonyi gonaşiyede, feqir u néçharire rawu welağe xeleşiye salıxdero.
Na fam u emalde, ma tédımena zu komelede bérime té are, 1 Gulane de sabunen u vervejiyane hometede piya bıkerime.
WESBO 1 GULAN
PLATFORMA HAQA DEMOKRATIKO
